కపిల రాంకుమార్ || అమ్మ ||

కపిల రాంకుమార్ || అమ్మ ||

అదే అదే తరతరాల పదేపదే కోరుకునే
చిరకాల మనుగడలో చిత్రమైన తల్లి సేవ

బిడ్డపుట్టినపుడు, బొడ్డుకోయునపుడు
జాగ్రత్తలు తీసుకుని సంరక్షణనీయాలి

తనపాలు త్రావించగ తరిఫీదులి యివ్వాలి
సమయాలు పాటించి బిడ్డకడుపు నింపాలి

కోరింతలు, పోలియోల వివిధమైన రోగాలను
అరికట్టేవిధంగ అరకులన్ని యీయాలి

తప్పటడుగు వేయురోజు ముద్దుమాటపలుకునాడు
దగ్గరుండి తల్లియే మొదటిగురువవ్వాలి

అయిదేండ్లు నిండినాక ఆలస్యంచేయకుండ
చదువుకోను బిడ్డను బడికి పోవతోలాలి

ఎదుగుతున్న బిడ్డను అదుపుపెట్ట సరికాదు
పదిమందిలొ గెలిచేలా బహదూరుగ పెంచాలి

రెండో బిడ్డ పుట్టగానె తృప్తినొంది హాయిగ
రెండుకళ్ళమాదిరిగ ప్రేమనెపుడుపంచాలి

పాఠాలను పట్టుకోని పోటీలను తట్టుకోని
ఫస్టుక్లాసు మార్కులతో చదువుల నిధి కావాలి

ఇంటిపేరు ఊరిపేరు నిలబట్టే రీతులలో
అభిరుచులు గౌరవించి తల్లిమించువారు లేరు!

ఇలలోన కలలోన పెంపకాల అంపకాల లోన
అడుగడుగున తనముద్ర కనుపింపచేయు ''నమ్మ''!

(ఆంధ్రప్రదేశ్‌ ప్రభుత్వ కుటుంబ సంక్షేమ (ఆరోగ్య & వైద్య)  శాఖ,
 రాష్ట్ర స్థాయి పోటీలలో ఎంపికైన గీతం నవంబర్‌ 2005
హైదరాబాద్‌