కపిల రాంకుమార్ ||ఆసరా||

కపిల రాంకుమార్ ||ఆసరా||
'' నేనిప్పుడు
ఓ జీవిత భాగస్వామిని
ఆహ్వానించబోతున్నాను
ఈ నెల రెండో ఆదివారం

తప్పకుండా రాగలవ'' న్న
నాన్ననుండి కబురొచ్చినప్పుడు
కొంత ఆశ్చర్యం మరికొంత నమ్మకం
కలిగింది.
**
నాకు బాగా గుర్తు
అమ్మ మరణం!
అన్నయ్యకు 16 నాకు 14 వచ్చిన రోజు!
ఆ రోజే నేను వ్యక్తురాలవ్వటం!
మాయదారి గుండెపోటుతో
అమ్మ కన్నుమూయటం!
ఆ దృశ్యం కళ్ళలో మెదిలినప్పుడల్లా
కన్నీరు మున్నీరవుతుంటాను!
**
షష్ఠి పూర్తికి కొత్త వధువుతో
రెండో పెళ్ళి
ఇన్నాళ్ళు ఒంటరిగా తన భుజాలపై
శ్రమనంతా మోసిన నాన్న
ఆఖరి రోజుల్లో ఆసరా కోసం
తోడుకోరునుంటున్నాడే కాని వేరేకాదని
అర్థమైంది!
**
అన్నయ్య అమెరికాలో స్థిరపడ్డాడు
నాన్న బాగోగులు చూచేవారుండాలి కదా!
నేనేదో చుట్టపు చూపుగా
నాలుగురోజులుండిపోయేదాన్నే
శాశ్వతంగా నాన్నను అంటిపెట్టుకుని వుండలేను కదా!
అందుకే నాన్న నిర్ణయం
సమంజసమనిపించింది
చివరి రోజుల్లో ఆసరా దొరుకుతున్నందుకు
సంతోషమనిపించింది!
అందుకే మనసారా నాన్నను
అభినందిస్తున్నాను.
**
13.11.2014.....2.35 pm