కపిల రాంకుమార్‌ || తెగింపు కావాలి!||

కపిల రాంకుమార్‌ || తెగింపు కావాలి!||
'' ఆడది అంటే
అలుసా
ఆడించినట్టు ఆడుతుందనా?
కాని
నేటి
ఆడది
'' ఆడ '' ది కాదు ఇక్కడిదే,
ఇప్పటిదే!
నీ జాఢ్యం వదిలించే
పెద్ద బాడిశవుతుంది
మదాన్ని చిత్రిపట్టి పొరలుగా చెక్కుతుంది
అతిచేస్తే
ఉత్తుత్తిగా కాదు
తిత్తితో సహా
కత్తిరిస్తుంది ''
తెగించిన వాడికి తెడ్డే లింగమయితే
తెగింపు కలిగినదానికి అరచేయే
ఖడ్గంమవుతుంది! ''
ఈ నాకల నిజంకావాలని
కలాన్ని, గళాన్ని
మహిళలన్ని కోరుకుంటాను!
7.10.2015