సుత్తి కొడవలి చుక్క -దారిచూపు వేగు చుక్క|

కపిల రాంకుమార్ || సుత్తి కొడవలి చుక్క -దారిచూపు వేగు చుక్క||

అనునిత్యం పోరుబాట వెన్నుదట్టు అమ్మమాట
ఆశయాల పెనుకోట త్యాగధనుల పూదోట
ఎరుపంటే వెలుగె ఎరుపంటే జయమే
ఎరుపంటే పతాకం విజయానికి సంకేతం

సుందరయ్య ఆచరించి బంధుత్వం కలిపాడు -
కూలిరైతు సంఘాలకు ఒక మార్గం నెరిపాడు

బెదిరే జింకలను కుమిలే జనాలను -
ఆపదల ఆగడాల తట్టుకోను బలమిచ్చి
ప్రశ్నించే తత్వాన్ని కొనసాగే ధైర్యాన్ని -
చీకటిని పారదోలే ఎర్రజెండా మనకిచ్చి

అరకపట్టి చెమెటోద్చే పనివాడిదే పొలమంటూ -
చాకిరిలి సరిపోయే రూకలు పొందాలంటూ
ఆరుగాలపు కష్టాన్నీ బుర్ర మీసం దోచుకునే -
పాతకాల దొరతనం కలకాలం సాగదని

అతివలు అనాథలు బడుగులు బలహీనులు -
హక్కులకై ఉద్యమించ ఎలుగెతే గళమిచ్చి!
కదం కలిపి నడిచేలా ముందువరుస తానుండి -
లాఠీలకు తూటాలకు వెరవులేక ఎదురొడ్డగ

జనం తెరువు కొరకు బతుకు వెలుగు కొరకు -
పొద్దు పొడిచిన సూరీడై ఆదరించు చెలికాడై
సుత్తికొడవలి చుక్కరా దారిచూపు వేగు చుక్కరా! -
వేలు పట్టి నడిపించే కన్నతల్లి చేయిరా!

కపిల రాంకుమార్ - 20.4.2014