| జానపద గీతం||ముద్దులా మగడాయె|

కపిల రాంకుమార్|| జానపద గీతం||ముద్దులా మగడాయె|\
ఈపొద్దు – నామొద్దు బావ లేవడాయె
పొద్దెక్కి పోతాంది – కూలికెల్లయాలాయె!
మాపిటేల – పటేలింట
పెల్లిసందడాయె
మాటదక్కు  దారిలేదు
బండి యెల్లిపాయె                    \\ఈపొద్దు – నామొద్దు బావ లేవడాయె
మొన్నపొద్దు తిరునాల్లో
ముద్దులిస్తనంతే మరి
ముసుగుతన్ని లెగడాయె
మొక్కజొన్న మంచె  దిగడాయె    \\ఈపొద్దు – నామొద్దు బావ లేవడాయె
జొన్నకూడు తినడానికి
చేయి చాపడాయ్
కందికాయ కొట్టపోతె
చేదులేమొ కందిపాయె              \\ఈపొద్దు – నామొద్దు బావ లేవడాయె
గట్టిగాను అరవబోతే
అత్తతోని తంటాయె
గిచ్చుదామంటె
ముద్దులా మగడాయె             \\ఈపొద్దు – నామొద్దు బావ లేవడాయె
పొద్దెక్కుతున్నా గాని సద్దు చేయలాబమేమి
గట్టిముద్దిచ్చినేను బుగ్గకొరికే లేపుతాను!
ఈపొద్దు – నామొద్దు బావ లేవడాయె
పొద్దెక్కి పోతాంది – కూలికెల్లయాలాయె!….
అముద్రిత జనపద్యం  నుండి……10.4.2013