నాయకుల(కుల లక్షణం)

కపిల రాంకుమార్//నాయకుల(కుల లక్షణం)

పరుల దోచు ఆటలోన - పరపీడనమతని శ్వాస
పదవిపేర మోసాలను - పదిలంగా చేయు '' 'నేత!"
అతడే నాయకుడు క్రౌర్యానికి వారసుడు
ఎదురు లేని రాక్షసుడు -ఎదలు చీల్చు కీచకుడు!

పడుచు పిల్ల కనబడితే అడుసుతొక్క వెరువడు
''అమ్మ" కాలు నరికేసి - ''అమ్మకాలు" సలుపువాడు!
ప్రజాధనం ప్రతి దినము కైంకర్యం చేయగలడు
ప్రజలంటే మూర్ఖులనును - గెలిపించే గొర్రెలనును!

తాత తండ్రినాటి నుండి - నేతృత్వం నేర్చినోడు
తల్లిపాలు మరచినోడు -రొమ్ములనే కోయువాడు!
పుట్టుకతో చెడు రక్తం - నిలువెల్ల విషతుల్యం
పాముకన్న తేలుకన్న అతడెంతో ప్రమాదం!

వాడి బ్రతుకు ఎండకట్టి ''వేడి " తరం కదలాలి
పదిమందిని కూడకట్టి ''వాడి క్రూర( కోర )" కూల్చాలి!

3-9-2012
* నా ''నగారా" కవితా సంపుటి (2004) లోంచి.