అస్త్రం వినా_

కపిల రాంకుమార్ //అస్త్రం వినా__ //

పదునైన శస్త్రం లేదని
తోడుగ ఏ అస్త్రం లేదని
ఆకలి దప్పులకాలోచించక -

నడుముందుకు - మునుముందుకు!
ఆగక - ఊగక - లక్ష్యం చేరేందుకు!

శిఖరాలే చేరేటందుకు

ప్రాణాలె ఫణమొడ్డి
తనువు మనసు స్థిరపరచి

నడుముందుకు - మునుముందుకు!
వంగక వెరవక - లక్ష్యం చేరేందుకు!

అంబరమె నిప్పుల గుండం
తామసమే మారణగీతం
రుధిరానికి సత్తువ నంచ్చి

నడుముందుకు - మునుముందుకు!
తిప్పలు ముప్పులు లెక్క చేయక
వడివడిగ - లక్ష్యం చేరేందుకు!

కొత్తయుగమడుగిడగా
కొత్త జగతికి హారతులీయ
సంకుచితం పారదోలు

- పిరికితనం వదిలి
-మరణాన్నైనా కోరి

నడుముందుకు - మునుముందుకు!
త్వర త్వరగా - లక్ష్యం చేరేందుకు!

**7.9.2012
______________________________________________________
** సోహం లాల్ ద్వివేది హిందీ కవిత - '' బడే చలో '' కు స్వేచ్చానుసరణ - నా కవితా సంపుటి నగారా లోది - 2004. )