విన్నపం|| ***

కపిల రాంకుమార్ || విన్నపం|| ***

పురాణాల పాత కతను
వెలికితీసి ప్రతీకగా వాడి
వెక్కిరిస్తున్నందుకు
యేమి అనుకోరని ఆశిస్తా!
సరమైం విన్నపం
సవినయంగా విన్నవిస్తా!

రావణసురిని (రావణ బ్రహ్మ)

కుక్షిలో నిక్షిప్త భాండంలా
యీ భూస్వామిక వ్యవస్త బలంగా వున్నపుడు
వ్యక్తిగత హింసా వాదం
నేల విడిచిన సాము!
యెన్ని సార్లు తుంచినా
చిగురుపెట్టె మొలక అది!

పొరుగింటి పుల్లకూర రుచే కాని
తయారుచేయటానికి
తగిన సామాను - తాహతుండాలి కదా!

మాసిన గడ్డం వ్చెక్కిరిస్తుంటే
పేరుమోసిన గడ్డ పిలుస్తోంది!
యెందుకండీ మీరు
దొడ్డి దారికెగబడుతున్నారు!
పులిని చూచి నక్క వాతలాగ
చరిత్ర పుటల్ని అధ్యయనం చేయకుండా
మీరెంచుకున్న మార్గం
చాల ప్రమాదం!
ప్రమాణాలకంటే
పరిమాణాలకంటే
పరిణామం విలువైనది సుమా!

తలలు హరించే బదులు
పది తలలు కూడగట్టిన మీరు
తలపులను సంహరించండి చాలు!

15-12-2012 సా. 3.40

*** 1967-68 ప్రాంతంలో విప్లవ సంఘాలపై నేను మొగ్గు చూపినపుడు, యెంచుకున్న మార్గం అనువైనది కాదని అధ్యయనం చేయటాని 63 సాహిత్య గ్రంథాల జాబితా యిచ్చి అధ్యయన శీలునిగా మార్చిన శ్రీ పరస సత్యనారాయణ గారి వల్ల మారిన నాకు ఈ భావన కలిగింది. నాలో మార్పు వచ్చింది. దానిని అలాగే దాచుకుని యిపుడు మీ ముందుకు తెచ్చా!