యోచన మంచిదi

కపిల రాంకుమార్||యోచన మంచిది||

పరిపరి - ఒకపరి - యోచన మంచిది
రసముల రుచులకు పరిగిడు కోయిలా!

విశ్వ వ్యాపిత ఆర్థిక దోపిడి
పెనుభూతమై దాడి సలుప
నీరు నింగి - నేల గాలి
కల్మషమై మలినమయ్యె!

నయగారపు నగరాల మోజులో
చిక్కిన మనుగడ వడలిపోతుంటే
కొత్త పాటలె నీ నోట పలకాలి
ఆశల భవిత రోగరహితం కావాలి!

కనిపించిన ప్రతీ అందాన్నీ
కోరికోరి కొనితెచ్చుకోకు
మాయదారి రోగపుబారి
పొరపాటున పాలుపడకు!

హద్దులు దాటకు గొడవలు పడకు
ఆశల బతుకు కడదాక నిలుపు
గుచ్చుకునేది గుచ్చేది
మలినమైతే నొచ్చుకునేది
మనసు - చచ్చేది మనిషి!

వ్యసనాలపై వ్యయాలకు
పరిపరి యోచన మంచిది!
అవశాన దశాతీరాలకు
దూరంగా జరుగుట మంచిది!

(ఎయిడ్స్ రహిత సమాజాన్ని ఆశిస్తూ)
7.8.2013 సాయంత్రం 6.15