నడ్డివిరగక తప్పదు!//

కపిల రాంకుమార్/ నడ్డివిరగక తప్పదు!//

ఈ రోజు పొద్దున్నే ఇలా జరిగింది .....
అది...
వాసం ఊడి నెత్తిమీదబడి

రక్తం కారుతున్న
మధ్యతరగతి మానవుడ్ని
అందుకే పండుగ రోజే కాదు
ప్రతీ రోజు గుండె దడే!
ధరలో - ధరలు
ఆకాశంలో విహరిస్తుంటే
దీపావళి సామాను కొనలేదని
మా చంటోడు మా 'రాము'
మారాము చేస్తుంటే్,
పండుగనాడూ పాత చీరేనా? అని
శ్రీమతి హెచ్చరికో, ముచ్చటకో తెలియదు కాని
తల అటూ ఇటూ
తిప్పి కఫీ కప్పు పెట్టి,
నేనేదో చెప్పబోతుంటే
ప్రతిసారి అలా ' సారీ ' చెప్పకండి
ఒక్క శారీ కోసం!
తనే సర్దుబాటు చేసింది!
కురిసే ఇంటి కప్పు సంగతేమిటని ఆలోచిస్తుంటె
చేతిలోని కప్పు జారిపోతే
అయిన చప్పుడి విని ఇంటి కప్పు కూలినంతపనైంది!
పండక్కి (ఏ పండక్కైనా)
పట్టు పరికిణి కుట్టించలేదని
మా తల్లి పేచీపెడ్తూ గీపెడుతోంది
దానికి వంత పాటలా దగ్గుతూ ' నా మందులు తేలేదా?
అమ్మ చార్జిషీట్
పెంషను కాయితాలు రాలేదని
మరీ టెంషను పడుతూ మా నాన్న
ఆయాసపు చూపులు
ఎక్కడికైనా పారిపోదామనుకుంటె
ఎదురుగా ' దీపావళి ' పండుగై వచ్చింది
ఫాల్స్ ప్రిస్టేజి చూపించ్కపోతే
ప్రిస్టేజీకే పుట్టగతులుండవని
పీడనకు బలికాక తప్పదనిపిస్తోంది!్
అప్పులు
తిప్పలు
బొప్పులు
ముప్పులు
సందిగ్ధ జీవితకోణాన్ని బేరీజు వేస్తుంటే
ఆలోచన!
ఆవులింత !
ఆడంబరానికి - ఆనందానికి మధ్య
పండుగలొస్తే
మధ్యతరగతి మనిషికి
తప్పదు నడ్డి విరుగక!

10-11-2012 - 10.29 ఉదయం