కపిలరాంకుమార్ || శ్రమైక గీతాలు ..||.1||
శ్రమజీవులు ఒడ్డెరోళ్ళు - నవసమాజపు మైలురాళ్ళు
గతచరిత్ర కానవాళ్ళు - నికార్సయిన గీటురాళ్ళు
శ్రమజీవుల వర్గానికి నేతలుగా నిలంచారు
సుఖజీవనమన్నది పనిలోనేవున్నదన్నారు
నిలువెత్తు ఋజువులా దుర్భేద్య బురుజులు
నింగిని తాకేతి గోపురాలు- నీటినాపిన రాతి వారధులు!
ఎర్రటి యెండలో బుర్ర చుర్రుమంటున్నా
పలుగుపార పట్టి మట్టి తట్టయెత్తి
కండలు కరిగించి కొండలు తొలిచి
కాల్వలు, భవనాలు సృష్టించు కాయాలు!
పూరిగుడిసె కాపురాలు బండినిండిం సంతు
గుండే దిగులులెనివారు గంజిమెతుకులె పరమాన్నం!
తాత తండ్రినాటినుండి వృత్తిలో కొనసాగుతూ
పిల్లపాప చదువు సంధ్య పొందలేక సాకుతూ
నలుగురిలో తలయెత్తుకు కలివిడిగా తిరిగేందుకు
బండచాకిరి బతుకున అండనిచ్చు చేతులకై
యెదురుచూచు వారికి ఆదుకునే వారున్నరని
వెన్నుదట్టి ఆలంబన నందించగ కదులుదాం !
12.02.2013 (కొత్త సంకలనంలోది) సా.4.18
No comments:
Post a Comment