| గాలి బుడగ ||

కపిల రాంకుమార్ || గాలి బుడగ ||

పవిత్ర గోదావరి మెట్ల దగ్గర
స్నానాలు బట్టలుతుక్కోవటాలు
యింకొన్ని వెధవ పనులు చేసి
పానీయపు పవిత్రత
పోగొట్టుతున్నరు జనాలు!
***
స్నానమాడే అతివల
అవయవసొంపులు వీక్షిస్తూ
మగాళ్ళు గంటలకొద్ది
దొంగ కొంగ జపాలు!
***
మరి అక్కడేవుంటూ రోజూ
బిచ్చమడుక్కునే కుష్టువాడు
ఓ రోజు శవమయ్యాడు!
గాలి బుడగ ప్రేలినట్లు పుండ్లలోంచి కారిన
రక్తపు రసి,చీముతో మెట్లకు పూసి
పసుపు కుంకమ పూజ చేసాడు!
***
ఇలాంటి చోట్లలో - అలాంటి
సంఘటనల వైవిధ్య భావ చిత్రం
యెదపై కరుణామయ ముద్ర వేయదా!
మానవ ద్వంద్వ ప్రకృతిని
చిత్రంగా చూపి కలానికి,
కుంచెకు పని చెప్పదా!!

20-1-2013 ఉ.5.19

( 5వ రోజు మా అమ్మ  అస్థికలు గోదావర్లో కలపటానికెళ్ళినపుడు
కనిపించిన దృశ్యం - జూలై 2012)