కపిల రాంకుమార్|| షార్ప్ షాక్ || (మినీలు)
ధనానికి, ఋణానికి
అవినాభావ సంబంధం!
జనానికి విమోచనే
అనివార్య అనుబంధం!
**
సర్కారీ సెకలేమొ
పొగరాని సెగలాయె
చాపకింద నీరులాగ
తడికూడ తెలియదాయె!
**
దుబారాలనరికట్టలేక
అవసరాల కడ్డుకట్ట!
ఆపన్నులాదుకోలేక
పన్నులు బాదుడాయె!
**
కనపడే దోమ పైకి దాడి
దొడ్డిదారి యేనుగునిదిలేసి
ధరలేమొ ధరకు యెగిసె
ఆదరువులు యెండమావులే్!
**
ఉత్పత్తికి మార్గాలున్నా గమనించరు
పట్టిన కుందేటికి మూడు కాళ్ళంటరు!
యెవరైనా ప్రశ్నిస్తే యెదురు దాడి చేస్తరు
చేదస్తపు మగనిలా చెబితే అసలు వినరు!
**
వినలేని వారికి వీణానాదం రుచించదు
అమ్మ పెట్టదు ఆదుక్కోనివ్వదులా
ఆ మాదిరి చేష్టలతో ఆదమరిపిస్తరు
ఆచరణ నోచుకోని విధులు రుద్దుతారు!
**
నష్టాలు పూడ్చాలని విద్యుత్ రేట్లు పెంచి
కాష్టాల పయనాలకు తలుపు తెరిచి
అసమర్థతకు సర్దుబాటను ముద్దుపేరెట్టి
మర్థించుటలో వారి తీరే సెపరేటు!
**
అడ్డుకోక పోతే ఈ గడ్డుకాలం మారదు
బడ్డులా కూచుంటే గొడ్డు యాతన తప్పదు
ఐనా
ఇన్నాళ్ళు నోరెత్తని తప్పంతా మనదే
కాలయాపన చే్స్తే కాపురాలు కూలేది
వాస్తవం యికనైనా మేలుకో
నీ ధికార స్వరం పెంచి షార్ప్ షాక్ కొట్టు!
------------------రన్నింగ్ బర్నింగ్ ...
------------------ వార్నింగ్ సైరన్!
5.3.2013 ఉదయం 5.03
No comments:
Post a Comment